Eurodeputeti Swoboda: Berisha të bëjë propozime për opozitën që ajo të kthehet në Kuvend

Europarlamentari Hannes Swoboda, në një intervistë për radion Deutsche Welle, ttha se kryeministri Sali Berisha dhe qeveria e tij duhet të bëjnë propozime për Partinë Socialiste, në mënyrë që opozita të kthehet në Kuvend. I pyetur mbi faktin se opozita insiston në hapjen e kutive, eurodeputeti tha se nëse njeriu do, gjithçka është e mundur. Swoboda tha se BE nuk mund të zgjidhë problemet e brendshme të Shqipërisë, por thjesht mund të japë udhëzime. Ai tha se nëse një shtet nuk i zgjidh vetë problemet e tij, atëherë ai nuk është në gjendje të bëhet anëtar i BE. Eurodeputeti tha se kjo krizë do dëmtojë integrimin e Shqipërisë, por pohoi se nuk duket se do ketë probleme për liberalizimin e vizave.

back | 02.02.2010