Prokuroria e Posaçme kundër Korrupsionit dhe Krimit të Organizuar përfundoi hetimet dhe ka dërguar pranë Gjykatës së Posaçme të Shkallës së Parë kërkesën për gjykimin e procedimit penal nr. 196 të vitit 2025,në ngarkim të të pandehurve:

Hetimet për këtë procedim penal nisën mbi bazën e akteve që u referuan nga Agjencia e Mbikëqyrjes Policore, Tiranë.

Përmes veprimeve hetimore, përdorimit të metodave speciale të hetimit dhe administrimit të provave u dokumentua fakti penal, sipas të cilit i pandehuri, Zef Mali, në bashkëpunim me të pandehurin, Kreshnik Domi i kanë kërkuar dhe marrë të pandehurës, Jemine Çoku një përfitim të parregullt prej 20.000 (njëzet mijë) eurosh.

Në kohën kur Zef Mali ka kryer këtë veprim mbante detyrën e oficerit të Shtabit për Menaxhimin e Forcave në Gardën e Republikës dhe Kreshnik Domi ishte një lidhje shoqërore e tij.

Sipas hetimeve, ata i kanë premtuar dhe siguruar të pandehurës Jemine Çoku se do të ushtrojnë ndikim të paligjshëm tek funksionarë të Ministrisë së Drejtësisë, për të ndjekur procedurën e transferimit në Shqipëri të vëllai të saj, shtetasit shqiptar Kujtim Çeliku, i dënuar me burgim në Republikën e Turqisë për të vuajtur pjesën e mbetur të dënimit.

Konkretisht, nga muaji janar deri në tetor të vitit 2025, në të cilën ishte në zhvillim procedura e personit të dënuar, të pandehurit Zef Mali dhe Kreshnik Domi kanë mbajtur kontakte të vazhdueshme me të pandehurën Jemine Çoku dhe me familjarë të tjerë të saj, duke i siguruar se ata kishin mundësi të ndikonin tek funksionarë të Ministrisë së Drejtësisë për realizimin e procedurës së transferimit të të dënuarit.

Për këtë qëllim, e pandehura Jemine Çoku u ka dhënë të pandehurve shumën prej 20.000 eurosh, si përfitim të parregullt.

Gjatë hetimit është evidentuar gjithashtu fakti i fillimit të ndjekjes së procedurës ligjore të transferimit nga ana e Ministrisë së Drejtësisë për shtetasin shqiptar, Kujtim Çeliku, për të shlyer pjesën e mbetur të dënimit në Shqipëri.

2 Komente

R
Rrogat e tyre kushtojn mē shumē nga ç'shērbehet

7 Shkurt 2026, 10:34

SPAK duhet tē shkrihet pasi gjithçka qē rezultonte problematike, u bē transparente.Tani e tutje mund tē vazhdohet nē mēnyrē tē qetē dhe pa bujē mediatike.Ka ngelur 20% e problemeve me munges trabsparence, por nē pērgjithsi situata ēshtē nēn kontroll.Tē gjith jan nē dijeni nē shkeljet e tyre dhe fati qē ju ēshtē rezervuar.

Përgjigjjuni
g
gori

7 Shkurt 2026, 11:41

Përse duhet të meret SPAK me këtë ngjarje ordinere apo për të thënë se po punojnë për të justifikuar milionat që marin,përse nuk meren me GËRDECIN apo 21 JANARIN ku humbën jetën 30 njerëz të pa fajshëm dhe u hodh në erë një fshat i tërë.....eeeee kuptohet se janë në krahun e Sali non gratës dhe Fatmir GËRDECIT ... SPAK NUK I JUSTIFIKON MILJONAT QË MARIN NDËR KOHË QË PENSIONISTËT JETOJNË NË VARFËRI...

Përgjigjjuni