Te fundit
Moti i keq në Greqi shënon viktimën e parë, dëme dhe përmbytje në Athinë dhe në zonat bregdetare
21 Janar 2026, 18:21Rajoni
TEMA
Moti i keq që ka përfshirë Greqinë ka shënuar viktimën e parë.
Bëhet fjalë për një roje bregdetare i cili u mbyt në tentativë për të lidhur dhe siguruar motoskafin e shërbimit në zonën Astros të Peloponezit.
Më herët stuhia goditi gjithë vendin ndërsa dëme janë shënuar në ishullin e Gavdos në jug të Kretës si dhe në shumë zona të Peloponezit, Atikës dhe Evias.
Meteorologët paralajmëruan shtrëngata shiu dhe reshje dëbore në zonat malore, ndërsa reshjet e dendura të shiut do të vazhdojnë deri paraditen e së enjtes, më pas pritet pakësimi i tyre.
Mbrojtja civile u kërkoi banorëve të zonave në rrezik të mos dalin nga banesat e tyre nëse nuk kanë një shkak serioz ndërsa gjithë mekanizmi shtetëror është vënë në alarm.
Pamjet janë marrë nga qendra e Athinës ku reshjet e dendura kanë përmbytur rrugë dhe kryqëzime si dhe nga zona e Patrës ku era e fortë ka pezulluar kalimin lundrimin nga dhe drejt porteve të Jonit dhe drejt Italisë.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Edhe ketu Rama I ka fajet
O popull po per permbytjet ne Greqi kush e ka fajin , Rama ? A po degjoni ndonje grek qe te dali dhe te fajesoje qeverin ? Turp per mentalitetin qe keni .