Te fundit
Tabaku: Statusi i Minatorit është detyrim moral dhe ekonomik (VIDEO)
13 Shkurt 2026, 09:20Sociale
TEMA
Deputetja e Partisë Demokratike, Jorida Tabaku, ka rikthyer në vëmendje nismën e saj për “Statusin e Minatorit”, një propozim ligjor i depozituar prej një viti dhe tashmë në shqyrtim në legjislaturën aktuale. Në një video të publikuar në rrjetet sociale, Tabaku thekson se kjo nismë është fryt i një pune trevjeçare së bashku me një grup minatorësh, të cilët prej kohësh protestojnë çdo të enjte përpara Kuvendit.
“Statusi i Minatorit është një domosdoshmëri për një nga profesionet më të vështira dhe me impaktin më të madh në shëndet e në jetë,” – shprehet ajo, duke theksuar se nëntoka shqiptare është e pasur dhe e çmuar, por përfitimet nuk shkojnë tek ata që punojnë në kushte ekstreme.
Sipas Tabakut, propozimi synon përmirësimin e kushteve të punës, organizimin përmes kontratave kolektive dhe mbi të gjitha rritjen e përfitimeve financiare për minatorët, si dhe uljen e moshës së daljes në pension. Ajo nënvizon se shpenzimet e shumta shëndetësore që ky profesion sjell për minatorët dhe familjet e tyre e bëjnë të domosdoshme një mbështetje afatgjatë nga shteti.
Deputetja demokrate kritikon qeverinë për dështimin në kontrollin e kontratave koncesionare në sektorin minerar dhe për mungesën e një pensioni dinjitoz për punëtorët e nëntokës. “Ka nevojë vetëm për vullnet politik për të zgjidhur gjërat. Duhet të dalim përtej politikës dhe t’u ofrojmë një pagesë dinjitoze këtyre 11 mijë minatorëve,” – deklaron Tabaku.
Në një kohë kur çmimet janë rritur dhe kostoja e jetesës është përkeqësuar, Tabaku apelon për mbështetje të gjerë parlamentare për këtë nismë, duke e konsideruar atë jo thjesht një çështje sociale, por një provë të përgjegjësisë së shtetit ndaj atyre që mbajnë mbi supe një nga industritë më të rëndësishme të vendit.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po more laraske pse nuk e beri ti kur ishe, apo kishe stervitje seksi me trapjanet
Kontratat kolektive në përgjithësi lidhen nga sindikatat dhe punëdhënësit. A ka sindikata të mirfillta të regjistruara dhe mbrojtura me ligj? Këto sindikata i mbron shteti dhe ligji legjitimon funksionimin mormal të aktivitetit sindikalist. Statusi, ç'do lloj statusi pune, jo vetëm ai i minatorëve, përmblidhet në kontratën kolektive të punës, që duhet të përfshihen në një kod, atë të Punës. Qeveria vetëm i mbështet këto kontrata, kur liçenson një aktivitet ekonomik. Këto kontrata duhet të ligjërohet në statusin e biznesit dhe të kërkohet të jenë pjesë përbërëse e saj. Të gjitha detyrimet dhe përfitimet korente apo shtesë, gjatë dhe për në të ardhmen, që nga siguracionet e ndryshme dhe favoret duhet të kërkohen tek punëdhënësi, jo tek shteti. Shteti nuk është lopa që vetëm milet. Psh: nëse pensioni kërkohet të jetë më i lartë në këtë lloj profesioni, me një përfitim shtesë, kjo nuk duhet të vijë nga fondi normal i pensioneve (korent) dhe kontributi shtesë të shtetit për to, por nga kontributi më i madh i punëdhënësit për punëmarrësit tek fondi i pensioneve (korente shtesa), sipas kontratës kolektive ku përmblidhet edhe statusi i profesionit. Shkurt, statuset janë mbrojtëse të profesionit, por përfitimet për shkak të tyre, t'i kërkohen punëdhënësit, por as punëmarrësit (gjatë kohës së shërbimit) dhe as shtetit. Kjo nuk u intereson "politikës së djathë", por edhe e "majta", "përtej të majtës dhe të djathtës": vjollcë, nuk e ka dhe aq mirë me këto organizimet sindikaliste, ndaj ngopja shtetit. Nëse kështu, është ligj hipokrit, për të mos thënë reaksionar dhe tërthorazi, në kurriz të punëmarrësve.