Te fundit
Policët në Rinas gjejnë dhe kthejnë çantën me 1000 euro - Proda: Ky veprim rrit besimin e qytetarëve tek ne
14 Shkurt 2026, 17:50Kronika
TEMA
Dy punonjës të Policisë së Shtetit, jashtë orarit të shërbimit, kanë gjetur dhe kthyer një çantë me 1000 euro, dokumente personale dhe një telefon celular, duke u vlerësuar për veprimin e tyre edhe nga drejtori i Policisë Ilir Proda.
Bëhet fjalë për punonjësit Klejdin Lleshajn, efektiv i Qarkullimit Rrugor Lezhë, dhe Durim Xhakajn, efektiv i Qarkullimit Rrugor Shkodër, të cilët mbrëmjen e djeshme, rreth orës 22:30, në rrugën e Rinasit, teksa po ktheheshin me familjarët e tyre nga Tirana drejt Lezhës dhe Shkodrës, gjetën një çantë të humbur në rrugë.
Brenda saj ndodheshin dokumente identifikimi, 1000 euro dhe një celular, që i përkisnin një 34-vjeçari nga Kavaja, i kthyer nga Italia. Nëpërmjet pasaportës dhe rrjeteve sociale, policët arritën të identifikojnë dhe të kontaktojnë pronarin, duke ia dorëzuar sendet e humbura.
Për këtë veprim, drejtori i Përgjithshëm i Policisë së Shtetit, Ilir Proda, u ka dërguar një mesazh falënderimi, duke vlerësuar integritetin, humanizmin dhe përgjegjësinë e treguar prej tyre, edhe pse ishin jashtë shërbimit. Ai theksoi se ky veprim forcon besimin e qytetarëve tek Policia e Shtetit dhe nderon uniformën e saj.
“Të nderuar kolegë. Ju përgëzoj dhe ju vlerësoj maksimalisht për veprimin tuaj, i cili mbart në vetvete qytetarinë, humanizmin, integritetin dhe ndjenjën e përgjegjësisë ndaj detyrës.
Pavarësisht se ishit civilë, jashtë orarit të shërbimit, me veprimin tuaj treguat integritet dhe dëshmuat edhe njëherë se mijëra djem e vajza, gra dhe burra që shërbejnë në radhët tona nuk janë ashtu siç tentojnë t’i përbaltin, por janë njerëz që sakrifikojnë me ndershmëri për ligjin dhe qytetarin.
Ky veprim rrit besimin e qytetarëve, pa të cilin misioni ynë do të ishte i cunguar. Mirënjohje për ju kolegë dhe për çdo punonjës të Policisë me integritet që nderon uniformën e Policisë së Shtetit", tha Proda.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kreta dunet te shperblehen te roten ne pergjegjesi
Krenari dhe Zoti ju ndimofte keta njerez te ndergjegjshem... pervece qe rezikojne jeten e tyre ne detyre kundra krimineleve, por tregojne dhe ndershmerine e tyre te paster... Lum Familia qe ju ka., lum shoqeria qe kane me juve, lum shteti qe ju ka besuar detyren me te ndershme Policine...Mos haroni secili qe tregohet i ndergjeghsem, Zoti ja shperblen.... e ka provuar vete , kam gjetur disa here ..dhe i kam dorezar ne Policine e vendit te EU ku banoje... Dhe veshteriste e jetes qe i dalin ne jete secilit, me ndimen e Zotit kam patur suksese dhe Zoti dhe njerzit e ndershem me kane ndimuar....